Hoahoa me te tautuhi / Whakaputanga me te pāpāho / Whakahaere huihuinga / Whakatairanga / Whakawhitinga kōrero me te tāhū / Tūhononga kiripānga / Tūhononga ā-hapori / Rautaki matihiko

I tīmatahia te Te Tauihu Intergenerational Strategy hei hanga i te wawata whakawhiti reanga, hei anganui hoki ki ngā wero kei mua i te aroaro o te takiwā nei. Mā te whakawhanake i te tauira hautūtanga i whakakotahi mai i ngā iwi e waru, i ngā kaunihera e toru, i ētahi atu kiripānga puta noa i te takiwā anō hoki, i āhei mātou ki te hanga i tētahi tāhū, i tētahi pae whakakotahi mō te takiwā, kāore i kitea i mua atu.

I aro atu te kaupapa ki ngā rārangi wā mārō, ki te hapori kua ngenge kē i ngā tūhononga o mua, nā reira me wawe tā te kaupapa whakatū i te whakawhirinaki, me te taurima i ngā kōrerorero aumangea mō te whakawhanaketanga mai o te rautaki. Me wawe tā ngā whakawhitinga kōrero, tā te tūhononga tohu ki te hapori he ao tino rerekē tēnei hei whakaohooho i te tūhononga pai, me te tō mai ki te kōrerorero ngā tāngata kāore i arohia i mua, i aweretia rānei.

I whakawhanake mātou i tētahi aronga tūhononga auaha i arotahi ki te whakahohe i ngā kōrerorero ā-hapori, ki te atawhai i te tūhononga mai o te marea, ki te whakatau i te "ruha mō te honohono" mā te whakatū i ngā huihuinga pāhekoheko ka whai i te tapuwae matihiko nui. Nā tēnei aronga i whakarite kia whakaūngia te rautaki ki te hinengaro o te hapori, nā konei i whakamahia ai hei taputapu whakatau take, i whakaurua hoki ki ngā tukanga whakamahere mō te anamata e tēnā, e tēnā o ngā hoa. Nā OD&Co i ārahi te tukunga o ngā huihuinga tūhononga e 30 i whātoro atu ki te neke atu i ngā tāngata 1,000 i te hapori, ki ngā tini tekau mano tāngata hoki mā ngā hongere ā-ipurangi.

Hoahoa me te tautuhi / Whakahaere / Hoahoa Rautaki / Whakaputanga me te pāpāho / Whakahaere huihuinga / Whakatairanga / Whakawhitinga kōrero me te tāhū / Tūhononga kiripānga / Tūhononga ā-hapori

E whakakanohi ana te Mārahau Pledge i tētahi tōpūtanga o ngā pakihi tāpoi nō ngā whānau i Mārahau, i Aotearoa, e ū ana ki ngā tikanga tāpoi whakahaumanu. I urupare mai te kaupapa ki te hiahia ki te tāpoi toitū ake, e anganui ana ki te whakahekenga waro, ki te whakapakari i ngā tikanga toitū i waenga i ngā kaiwhakahaere.

I whai hoki te kaupapa ki te whakawhanake i tētahi pūtea haumitanga mō Mārahau, mā te whakauru i tētahi utu whakaaetanga hou, he mea ahurei ki a Mārahau, me te whakaemi pūtea hei tautoko i ngā tūmanako o te hapori pātata mā te haumitanga ki te kanorau koiora, ki ngā kaupapa hanga-wāhi pātata hoki. Me whakaohooho te Pledge i te momo tika o ngā manuhiri kia whakamaneatia mai ki te rohe, me tautoko hoki i te huringa pai o te whanonga i roto i ngā kaiwhakahaere, i ngā manuhiri anō hoki.

Nā OD&Co i tīmata, i whakahaere hoki i te whakawhanaketanga mai o tēnei kaupapa – i tito mātou i te oati, i ngā ūnga, i whakakotahi mai mātou i ngā pakihi ki raro i te hinonga motuhake, i tūhono atu mātou ki te hapori pātata, i tuku hoki mātou i ngā hapahapai mōhiotanga hei tautoko i te tipuranga ake o te kaupapa. E whakaarohia ana ko te Mārahau Pledge ko te tuatahitanga pēnei i Aotearoa, ā, kei te tautoko kē i te haumitanga nui hou ki te hapori o Mārahau hei whakatutuki i te whakaora repo, i te whakarākei kanorau koiora, i te whakakore konihi hoki i te kāinga nei ka wareware i ērā atu kaihaumi.

Whakahaerenga / Hoahoa Rautaki / Tūhononga kiripānga / Tūhononga ā-hapori

Ko West Coast 2050 ko tētahi kaupapa rautaki i whakahaerehia hei hanga i tētahi maherewhanaketanga ā-ohaoha paetawhiti mō Te Tai Poutini, i Te Wai Pounamu. Me mātua whakakotahi te rautaki i te whānuitanga o ngā kiripānga kei a rātou ngā tirohanga rerekē, hei whakarite i te hāngaitanga ā-takiwā o ngā rawa, o te whakatairanga hoki hei whakapai ake i ngā putanga mō te hapori whānui. I mūhore ngā whakamātau o mua atu ki te tuku i tēnei putanga nō reira i tōia mai a OD&Co ki te tuku i te whakahaere me te aratohu motuhake.

Nā mātou te hapori i tautoko hei hanga i tētahi wawata, i tētahi rautaki hoki he tūturu te whakakanohi i ōna hapori kanorau, engari he pono hoki mō ngā wero paetawhiti kei mua i te aroaro o te takiwā. I arotahi te kaupapa ki te whakaatu i ngā tūmanako ngātahi o te hapori, ki te kimi i te reo ngātahi, i te papa ngātahi hoki hei whakatakoto i te tūāpapa mārō mō te whakawhanaketanga ā-ohaoha i te takiwā he mea whakahaumanu, he mea aumangea hoki ki ngā wero o te anamata.

I roto i te whakamahinga o te kaupapa te whakahaere motuhake, te tūhononga ki ngā kiripānga, ki te hapori hoki, me te tautoko i te tuhi rautaki. Mā te whakahaere awheawhe, mā te tūhono ki ngā kiripānga, tae atu ki ngā taiohi i te hapori, i auahatia, i whakarewaina hoki tētahi tuhinga rautaki. Ināianei ko tēnei rautaki hei whākōkī, hei taputapu ārahi hoki mō te haumitanga, mō te whakawhanaketanga hoki i te takiwā. Ko te tautoko auau mā te whakahaerenga motuhake ka whakaritea te ānga haere tonu o te rautaki me te hāngaitanga o ngā kiripānga e whai wāhi mai ana.

Hoahoa me te tautuhi / Whakahaere / Hoahoa rautaki / Whakahaere huihuinga / Whakatairanga / Whakawhitinga kōrero me te tāhū / Tūhononga kiripānga / Tūhononga ā-hapori

He kawenga mahi nui whakaharahara te Arts and Creativity Strategy mō Whakatū heiwhakahiko i te whakaora o te rāngai toi mai i a Kowheori-19, hei whakahoki anō i te arongaki ngā toi mō te takiwā nei he whirikoka tuku iho ōna mō tēnei kaupapa. Nā OD&Co i ārahi tetūhononga me te whakawhanaketanga o te rautaki, me te kaha aro ki te hanga anō i tā tetāone tāhū mō ngā toi mā te arotahi kākano rua.

I roto i ngā wero i whakatūria mai e Kowheori-19, i whai te rautaki i te aronga matatini ki tetūhononga, me te hanumi i ngā taputapu matihiko, i ngā taputapu tūturu hoki heiwhakaputa i ngā ara whakauruuru kia whai wāhi mai, he haumaru, he mea whaihua hoki. Mai i ngā "Walkshops" e puhia ana e te hau ki ngā wānanga mariko, i whakamahia tewhānuitanga o ngā taputapu tūhononga hei neke atu i te kōrerorero i tērā o tētahi rōpū,rāngai rānei he pānga motuhake tōna, ki tētahi kōrerorero huri noa i te hapori mō teanamata o te auahatanga me te ahurea i te takiwā. Me mātua whakapiki te tūhononga i teraukaha, me te atawhai i ngā hononga i roto tonu i te hapori, tae atu ki te tuku i ngā putangaā-tinana me te maurutanga mō te rāngai e raru ana.

Me nui ake te rautaki i tētahi tuhinga ā-kaunihera noa iho, ā, me tū kē hei whakakanohitangao ngā tūmanako o te hapori me te whakatakoto i te tauira mō ngā rautaki hapori he meawhakauruuru, he mea kākano rua hoki. I whakaaetia te rautaki e ngā iwi e waru o Te Tauihu,ā, i tautokona katoatia e te kaunihera, kātahi ka tukuna he haumitanga ki ōna whakaarotau matua kāore anō kia kitea tōna momo.

Arapāho me te whakatairanga / Rautaki whakawhitinga kōrero / Whakawhitinga kōrero me te tāhū / Whakahaerenga pāpāho ā-pāpori

I ārahi a OD&Co i ngā whakawhitinga kōrero mō te whakawhanaketanga ā-ahurea nui i Te Āwhina Marae i Motueka. Ko te kaupapa ko te whakawhanaketanga katoa o ngā whare o te marae, me te whakatūnga o tētahi kaupapa whare noho hōkai-nui, o tētahi pokapū whakarauora toi, i tētahi pokapū mātauranga me te ringarehe.

Me whakapeto ngoi ngā whakawhitinga kōrero mō te kaupapa – hei whakapiki i te māramatanga, hei tautoko i te haumitanga atu anō, hei tuku i te uara ki ngā kaituku pūtea hoki. Engari me mātua aro, me noho oho hoki te whakatairanga me ngā whakawhitinga kōrero ki ngā hiahia o ngā whānau, mā te whakaputa i te whakahī, i te māia hoki ki te kaupapa. Me mātua whakarite e ngā whakawhitinga kōrero kia piri tata tonu ngā whānau rātou ko ngā kiripānga ki te kaupapa, me te whakaohooho i te aronga mai, i te tautoko mai hoki ki te kaupapa i te marea.

Mā te mahi ngātahi ki ngā whānau, i āhei mātou ki te whakatutuki i te pāhotanga nui ā-takiwā, ā-motu hoki o te kaupapa whakawhanaketanga anō, ā, ko te kaupapa wharenoho Papakāinga te kaupapa takitaki. Mā te tūhono i ngā arapāho kaupapa Māori, i ngā arapāho auraki hoki, i whakatutuki mātou i te pāhotanga o te neke atu i te 20 kōrero ki ngā pae rongo kōrero kei roto nei ko te pouaka whakaata, ko te reo irirangi, ko te tānga, ko ngā hongere matihiko hoki.